Þórdís Guðmundsdóttir

Power point kynning /microsoftproducer

2003-10-16T14:32:00.000Z

Næsta verkefni er power point kynning í dag kynnti Salvör microsoftproducer fyrir okkur virkaði það frekar notendavænt. Þar er hægt að setja inn ppglærur, hljóð af file eða tala inná, og hafa myndband með bæði það sem tekið er upp og það sem er tekið úr tölvunni.
Nú þarf ég að undirbúa kynningu fyrir þetta verkefni. Ætli það verði ekki tónlist og tölvur (kemur kanski ekki á óvart). Datt í hug að nota fyrirlestur sem ég var með á UT 2002 , las hann yfir og get bara notað hluta af honum. Það verður spennandi að sjá hvernig gengur með hljóðupptökuna og hljóðtilfærsluna.

Mind manager

2003-10-09T12:27:00.000Z

Var að vinna í hópnum mínum í fjarnáminu í gærkvöldi í Grindavík. Við náðum í Mind manager á netinu til að nota sem grind í verkefnavinnunni frábært hjálpartæki. Maður getur hlaðið það niður í 21 dag.

UT menntun

2003-10-08T14:26:00.000Z

Í gær var ég í staðlotu í fjarnáminu í framhaldsdeildinni. Þetta er í annað skipti sem ég hitti þetta fólk og finnst frábært að taka þátt í umræðum með þeim. Það er svo gott þegar fólk veltir fyrir sér hlutunum en verður ekki einstrengislegur ég á við að þetta fólk er í UT námi en veltir fyrir sér hvenær eru tölvur til bóta í kennslu og hvenær koma þær kennslunni ekkert við. Á hvaða hátt koma þær sem styrkur og viðbót en ekki hindrun. Við fórum í heimsókn í Hringsjá og Tölvuver fatlaðra þar var margt áhugavert sem er þess virði að skoða betur, Það kem ég kanski til með að gera í hópverkefninu sem ég er að fara í og ber heitið Skóli án aðgreiningar, hvernig getur UT komið þar að gagni. Ég er mjög glöð að hafa lent í þessum hópi með góðum konum því þetta er eitt af áhugamálum mínum.
Rakst á könnun um UT menntun á UT.is
Eftir að við fórum að vinna á fronte page hjá Salvöru gleymi ég að blogga, þarf að taka mig á í því. Skildi ég einhvern tíma gera það?
Er á leiðinni til Stokkhólms Köben og Álandseyja 21. okt. blogga þaðan!!

Sálarmubla

2003-09-29T14:14:00.000Z

Ég hitti Jón vin minn Thoroddsen sem kenndi með mér í Grandaskóla. Ég var að segja honum að ég væri stundum svo þreytt á ( og í tölvunni) og væri þakklát að geta stundum staðið upp og glamrað á píanóið. Ertu stundum að spila á "sálarmubluna" sagði hann þá.
Þarf að muna eftir að skoða sýninguna sem hann og systkyni hans settu upp þar verða sýndar myndir sem bróðir hans málaði.

Umtalaðasti bloggerinn

2003-09-29T13:24:00.000Z

Til hamingju Salvör með verðlaunin!

Ekki að standa mig

2003-09-29T13:23:00.000Z

Ég er greinilega ekki að standa mig í blogginu. Ég verð að viðurkenna að eftir að ég fór að vinna verkefnin í front page gleymi ég að koma inn í bloggið. Ég hef verið að velta því fyrir mér af hverju ég fái höfuðverk á fimmtudögum eftir UT tímana þá. Það gæti verið stofan. Það gæti verið af því að ég er í tvöföldum tíma.Það gæti verið af því að ég er svo rosalega mikið að einbeita mér að fylgjast með og taka eftir. Það gæti líka verið af því að þennan dag fer ég hvorki í jóga né hjóla í skólann. Nema það sé hreinlega sambland af þessu öllu.

Tæknisagan mín.

2003-09-24T22:38:00.000Z

Það finnst eflaust mörgum ekki mikið til koma um tæknivæðingu mína. Fyrir það fyrsta ég á ekki GSM síma ( bara GSMS gamlan síma með snúru). Mér hefur auk þess alltaf fundist fremur einkennilegt þessi mikla öryggiskennd sem fólk fyllist af GSM síma. Er það ekki innra öryggi sem skiptir máli? Synir mínir tveir og maður eru með GSM síma og ætli ég neiðist ekki til þess bráðlega , ég finn einna helst fyrir símaleysinu þegar ég er í útlöndum.
Við í fjölskyldunni fengum okkur fyrstu tölvu 1996. Ég held ég hafi varla séð eldri son minn fagna neinu eins rosalega. Við erum ekki með sítenginu. Mér finndist reyndar mjög notalegt að eiga fartölvu en lifi enn án hennar.
Í starfi mínu sem tónmenntarkennari hef ég notað mikið tölvu bæði tónlistarforrit fyrir nemendur til að búa til tónlist á og netið fyrir þau til að leita upplýsinga um uppáhalds tónlistarmanninn sinn eða hljómsveit. Ég tek líka upp tónlist í tímanum á tölvuna eða tek upp hljóð og videó og set það síðan inn í tölvuna eftir tímann. Ég æhef reyndar mikið notað digital myndband og ljósmyndavél í minni vinnu. Einnig næ ég í texta og undirleik í tölvuna. Ég hef notað tölvupóst í nokkur ár aðallega í kringum vinnuna og unnið í samstarfi við Norðurlönd í gegnum Webct.

Vefrallý

2003-09-15T15:40:00.000Z

Nokkrar hugmyndir að spurningum
Á Musik.is er ýmiss konar fróðleikur um tónlist og það sem tengist henni Í krækjunum >Textar og skrif og >Stílar og stefnur finnur þú svör við eftirfarandi spurningum

1. Hvað eru margir strengir á gítar?
2. Nefndu heiti á fjórum gítargripum?
3. Finndu tvo rútubílasöngva?
4. Finndu texta um ástina?
5. Eftir hvern er lagið HI,HI,HI.
6. Hvað finnur þú mörg lög eftir Bubba,
nefndu eitt.
7. Hvaða orð lýsir best textanum Vegbúinn
eftirK.K. eftirsjá, vinátta, haturo.s.fr.?
8. Nefndu fjórar stíltegundir tónlistar?
9. Hvað eru margir taktar í blúshring?
10. Í hvaða tegundum tónlistar er rappað í dag?

Mósaik

2003-09-15T15:36:00.000Z

Lauk við að gera mósaikborðið mitt í gær og er mjög ánægð með það,sérstaklega að hafa lokið áætlunarverkinu sem er búið að standa til í mörg ár. Borðið góða á að vera út á svölum svo að ég þarf að vökva það daglega til að herða fúuna s.s. muna að vökva borðið.

tölvumál

2003-09-12T11:16:00.000Z

Rakst á þetta í morgunblaðinu þegar ég var að leita að grein sem Ólafur Proppe skrifaði í mbl. í dag fann hana reyndar ekki.Vefnámskeið um fjarskiptatækni
Er búin að sitja við tölvuna í Kennó síðan 9 í morgun og hef orðið margs vísari t.d. á vef Önnu Ólafsdóttur Verð þó að segja að þetta tekur mikinn tíma. En sennilega þjálfast maður í þolinmæði um leið þar sem allar síður virka ekki alltaf eins og t.d. Webct í dag.

Leikir á netinu.

2003-09-11T15:21:00.000Z

www.miniclp.com virðist vera leikjavefur sem hefur margar tegundir af leikjum og snerta ólík áhugamál og eru flokkaðir eftir þeim.
Orisinal eru leikir fyrir börn

blogg

2003-09-11T14:03:00.000Z

Í dag ætla ég að reyna að blogga svolítið ég verð nú að segja að það er mér ekki mjög tamt ennþá. Efst í huga eru þessar hræðilegu fréttir um morðið á utanríkisráðherra Svía Önnu Lindh.

2003-09-09T11:36:00.000Z

Nokkur orð um kennari.is.
Ég verð að segja að ég varð stórhrifin og hálfskammast mín fyrir að hafa ekki vitað um þennan vef.
Hann er að mínu mati einfaldur og þægilegur í notkun. Að útskýra hlutina með skýringarmyndum hentar mér vel. Ég mun láta samkennara mína og nemendur láta vita af honum.
Smá húmor skemmir ekki s.s. hræðileg orð þar sem þú getur sent inn verulega misheppnuð nýyrði í tölvutungumálinu. Svo verð ég að segja að það er mikil hvíld í því að fá að lesa á íslensku.

Kynning

2003-09-09T11:19:00.000Z

Heil og sæl!
Ég heiti Þórdís Guðmundsdótttir og er Þroskaþjálfi og tónmenntarkennari. Ég lauk Þroskaþjálfaprófi 1978 og TMK prófi 1982 frá Tónlistarskólanumí Reykjavík. Eftir útskrift vann ég sem tónmenntarkennari í Öskjuhlíðarskóla nokkur ár og fannst ég hafa góð not af náminu mínu þar, sennilega er þroskaþjálfinn alltaf sterkur í mér þó að ég hafi unnið mest sem tónmenntarkennari. Síðastliðin ár hef ég unnið sem tónmenntarkennari í Grandaskóla. Þar vann ég m.a. að þróunarstarfi með tónlist og tölvur í 7. bekk og fannst það frábært tæki til sköpunar en sá þáttur kennslunnar finnst mér einna skemmtilegastur þ.e.a.s sköpun. Ég vann í Idunarverkefni samstarfsverkefni á milli tónmenntarkennara og myndmenntarkennara á Norðurlöndunum. Nú ég var líka með sérkennslu í tónmennt. Þar fengu nemendur mínir að spreyta sig á m.a. trommusetti og rafmagnsbassa.
Nú er ég í námsleyfi og nýr heimur er að opnast fyrir mér. Ég er í UT námi í Kennó bæði stað og fjarnámi. Ég ætla að stunda nám í Raftónlist í Tónlistarskólanum í Kópavogi. Þetta eru spennandi tímar og ánægjulegir, allavega núna áður en alvaran með verkefnaskilum hellist yfir.
Ég á fjölskyldu mann og 2 stráka / unglinga. Við bjuggum á Álandseyjum í 2 ár og var það skemmtilegt ævintýri þar sem rytmin í lífinu er allt annar en hér.
Ætli þetta sé nú ekki yfirdrifið í bili.
Kveðja
Þórdís

Fréttir á Netinu

2003-09-04T13:57:00.000Z

Ég skoða fréttir á Netinu einstöku sinnum þá einna helst fréttir á netútgáfu Morgunblaðsins. FréttablaðiðHér tengi ég beint í khi náms og kennsluskrá
Slóðinn að Webct